Yn ystod haf 2019, gwahoddwyd y grŵp i gymryd rhan yng ngwaith clirio, cofnodi a chloddio Ymddiriedolaeth Archaeolegol Gwynedd a ariennir gan Cadw yn Barics Chwarel Pen y Bryn, Dyffryn Nantlle - sy'n rhan o Safle Treftadaeth y Byd enwebedig. Bu'r prosiect yn gymorth i ddarparu dealltwriaeth well o gyfnodau'r barics a'r adeiladau cysylltiedig, yn ogystal â thaflu goleuni ar sut oedd chwarelwyr a'u teuluoedd yn byw yma.
Dysgodd aelodau'r grŵp amrywiaeth o sgiliau archaeolegol a gwnaethant ddadorchuddio a chofnodi canon garreg (yn yr achos hwn carreg briodas) yn agos at y barics. Yn ogystal, cawsant ddysgu am hanes lleol yr ardal a helpu i gyflwyno teithiau cerdded tywysedig fel rhan o ddiwrnod agored i'r cyhoedd. Gwyliwch fideo a gafodd ei greu gan y grŵp, yn disgrifio eu profiadau o'r prosiect.
Teithiau Preswyl
Fis Hydref 2019, mynychodd y grŵp ddau benwythnos preswyl, ynghyd ag aelodau prosiectau eraill Treftadaeth Ddisylw?
Cynhaliwyd y cyntaf yn Llanddeusant, de Cymru. Roedd hwn yn cynnwys sesiwn gwneud ffilm lle'r oedd gofyn i bob grŵp greu fideo byr yn seiliedig ar eu prosiect - cyfle gwych i ddysgu am weithgareddau grwpiau eraill. Yn ogystal, fel rhan o'r daith cafwyd sesiwn adeiladu tîm drwy badlfyrddio a chanŵio.
Ar daith arall, aeth aelodau o wahanol grwpiau Treftadaeth Ddisylw? i Ogledd Iwerddon. Gwnaeth pob grŵp gyflwyniadau yn seiliedig ar eu prosiectau, a gan archwilio Bushmills a Belfast, clywsant gan bobl ifanc sydd ynghlwm â phrosiectau cyffelyb yn yr ardaloedd hyn. Roedd hwn yn gyfle gwerthfawr i ddysgu sut mae pobl ifanc yng ngwahanol rannau o Brydain yn ymgysylltu â'u tirwedd hanesyddol leol. Roedd y daith hefyd yn cynnwys ymweliadau â Wal Heddwch Belfast, Carrick a Rede a Sarn y Cedwri.
Gweler isod am ragor o wybodaeth ynglŷn â'r prosiect Treftadaeth Ddisylw?:
Gwefan Treftadaeth Ddisylw?
Twitter Treftadaeth Ddisylw?
Fideos a grëwyd gan y grŵp:
Dyffryn Nantlle
Barics Chwarel Pen y Bryn
Chwarel Dorothea
Cysylltwch â: Jade.owen@heneb.co.uk
