|
|
|
Darlithoedd Gaeaf - Tachwedd a Rhagfyr 2023
|
||||
Lleoliad newydd : ysgol undydd Cymdeithas Archaeoleg Bangor, fory 11/03/2023
|
||||
Cymhorthfa Darganfyddiadau, Dydd Sadwrn Ebrill 1af 2023
|
||||
David Longley Trist iawn oedd clywed am farwolaeth ein cyn Brif Archaeolegydd yn yr Ymddiriedolaeth, David Longley, a fu farw'n dawel yn gynharach yr wythnos hon. Gweithiodd i'r Ymddiriedolaeth rhwng 1983 a'i ymddeoliad yn 2011 a bu'n Brif Archaeolegydd o 1992 hyd nes iddo ymddeol. Roedd ei ymroddiad a'i ddysg yn ysbrydoliaeth i bawb a weithiodd i'r sefydliad a llwyddodd hynny i gynyddu enw da'r Ymddiriedolaeth dros y blynyddoedd. Arweiniodd yr Ymddiriedolaeth drwy amseroedd anodd gan sicrhau ei goroesiad a'i thwf i'r dyfodol. Yn dilyn ei ymddeoliad bu i salwch ei atal rhag cyflawni llawer o waith a oedd ganddo ar y gweill, ond braf oedd gweld bod llawer o'i ymchwil yn ddiogel mewn amryw o erthyglau a gwblhaodd. Caiff ei gofio yn yr Ymddiriedolaeth fel gŵr cyfeillgar, un a roddodd gymaint o gefnogaeth i'w staff, ynghyd â safon uchel ei waith.
|
||||
Cyfres Darlithoedd Gaeaf
Rydym wedi trefnu cyfres o ddarlithoedd gaeaf wyneb yn wyneb (Ionawr – Chwefror 2023, nosweithiau Fercher, 7:30pm, Canolfan Thomas Telford, Porthaethwy). Gweler uchod am fanylion. Nid oes angen archebu lle. Te a choffi ar gael wedyn. Rydym hefyd yn gobeithio recordio pob darlith gyda golwg ar gyhoeddi ar-lein wedyn. Os oes gennych unrhyw bryderon am Covid, byddem yn eich annog i wisgo mwgwd. Gallwch hefyd gysylltu â mi: Peidiwch â mynychu os ydych yn dioddef o symptomau Covid, os gwelwch yn dda. NB nid ydym yn siŵr a fydd Pont Grog y Borth ar agor pan fydd y gyfres o ddarlithoedd yn dechrau. Nadolig Llawen!
|
||||
Bryngaer Arfordirol Cynhanesyddol Dinas Dinlle Gwaith Cloddio Gorffennaf 11eg - Awst 5ed 2022
Mae Ymddiriedolaeth Archaeolegol Gwynedd yn ymgymryd â gwaith cloddio unwaith eto ym mryngaer arfordirol, cynhanesyddol, Dinas Dinlle. Y tro hwn, rydym yn canolbwyntio ar olion gweddillion y tŷ crwn mawr o'r Oes Haearn, sydd mewn cyflwr da, ar ochr orllewinol y tu mewn i'r fryngaer. Caiff y prosiect ei ariannu a'i gynnal ar y cyd rhwng Cadw, yr Ymddiriedolaeth Genedlaethol a'r prosiect CHERISH. Mae gwirfoddolwyr, plant ysgolion lleol a myfyrwyr Prifysgol Bangor yn ein helpu ni gyda'n gwaith. Mae'r gaer yn cwympo i'r môr, ac mae olion y tŷ crwn byddem yn eu harchwilio i'w gweld ar ochr y fryngaer sydd fwyaf mewn perygl o erydiad. Mae bryngaer arfordirol Dinas Dinlle wedi'i lleoli mewn man dramatig, yn edrych dros y môr a gwastadedd arfordirol gogledd Llŷn. Tybir bod yr adeiladau mewnol ac amddiffynnol wedi cael eu hadeiladu'n wreiddiol yn ystod diwedd y cyfnod cynhanesyddol, ond mae crochenwaith sydd wedi'i ganfod ar y safle'n cadarnhau bod meddiannaeth wedi parhau yn ystod cyfnod y Rhufeiniaid. Yn ystod dechrau'r 20fed ganrif, roedd y gaer yn ffurfio rhan o gwrs golff, ac yn ystod yr Ail Ryfel Byd, adeiladwyd amddiffynfeydd ar y llethrau gogleddol er mwyn diogelu RAF Llandwrog gerllaw - sef maes awyr Caernarfon erbyn heddiw. Yr Ymddiriedolaeth Genedlaethol sydd berchen ar y gaer, sydd wedi'i diogelu fel Heneb Gofrestredig ac mae'r bryn o waddodion rhewlifol y mae'r safle'n sefyll arno wedi'i nodi fel Safle o Ddiddordeb Gwyddonol Arbennig. Ymholiadau'r wasg: outreach@heneb.co.uk 07741 292802
|
||||
Dinas Dinlle Diwrnod Agored 30 Mehefin 2022
|
||||
Bryn Celli Ddu 2022
Peidiwch ag anghofio – byddwn ni yn Niwrnod Agored Bryn Celli Ddu dydd Sadwrn yma (18fed Mehefin), 11:00yb – 4:00yp. Dewch i wneud model o siambr gladdu yn ein stondin. Gwerthiant llyfrau hefyd. Mae rhai digwyddiadau gyda'r nos hefyd. Gweler y dolenni, isod: https://cadw.llyw.cymru/dydd-agored-hanes-byw-neolithig https://cadw.llyw.cymru/heuldro-bryn-celli-ddu
|
||||
Darlithoedd Ar-lein
Mwynhewch rhai o'n darlithoedd cyhoeddus ar-lein diweddar. https://youtube.com/playlist?list=PLka_KBJQA-SNXddc6GPMihok5D9NA9Oy1
|
||||
Cloddfa Archaeolegol, Ffordd Llwyn Bleddyn, Rachub
Cliciwch yma am ragor o wybodaeth
|
||||
Taflwch olwg ar ein model 3D rhyngweithiol diweddaraf!
|
||||
Diwrnod Agored Dinas Dinlle 4 Medi 2021
|
||||
Darlith Cyhoeddus: William George Owen, Caernarfon (1810-85): Peiriannydd Sifil
Mae darlith David Elis-Williams: 'William George Owen, Caernarfon (1810-85): Peiriannydd Sifil' bellach ar ein sianel YouTube. |
||||
Mae Oxbow Books yn cynnig yr argraffiad clawr caled o lyfr Jane Kenney: A Welsh Landscape Through Time: Excavations at Parc Cybi, Holy Island, Anglesey (2021) am bris cyflwyniadol arbennig. Er mwyn manteisio ar y cynnig hwn cyn cyhoeddi swyddogol y llyfr mis nesaf, cliciwch yma. |
||||
Darlith Cyhoeddus: Dulliau yn ymwneud ag archaeoleg arfordirol gogledd orllewin Cymru: adolygol ac i'r dyfodol
Dyma recordiad o ddarlith ddiweddar Gary Robinson (Prifysgol Bangor). |
||||
Ymestynnwch dros 6,000 o flynyddoedd a gwelwch sut bu pobl yn byw ar Ynys Cybi Arddangosfa Archaeolegol Parc Cybi, Oriel Môn
Mae Oriel Môn yn agor i'r cyhoedd eto ddydd Mawrth, 18fed o Fai . Mae hyn yn golygu y byddwch, o'r diwedd, yn gallu gweld arddangosfa Ymddiriedolaeth Archaeolegol Gwynedd: Parc Cybi: Tirlun Drwy'r Oesoedd . Sut bu cyndeidiau trigolion Caergybi heddiw yn byw yn y gorffennol? Mae arddangosfa'n barod i adrodd stori sut bu trigolion yr ynys yn byw, yn gweithio, ac yn cael eu claddu filoedd o flynyddoedd yn ôl. Dewch i ddysgu am y dirwedd archaeolegol anhygoel sydd wedi ei datguddio gan y cloddiadau ym Mharc Cybi ar Ynys Cybi. Bu 120 o ddisgyblion Ysgol Cybi yn helpu i baratoi ar gyfer yr arddangosfa, a bydd enghreifftiau o'u gwaith yn cael eu harddangos hefyd. Cewch weld arteffactau a ddatguddiwyd yn ystod y cloddiad, a cewch ddysgu am rai o'r nodweddion o bwysigrwydd rhyngwladol a ddarganfyddwyd. O 2006 i 2008 a 2009 i 2010, bu Ymddiriedolaeth Archaeolegol Gwynedd yn cynnal cloddiadau archaeolegol o flaen adeiladu Parc Cybi, safle datblygu pwysig Llywodraeth Cymru ger Caergybi. Ymchwilwyd dros 20 hectar a datgelwyd tirwedd archaeolegol gyfareddol. Cyllidwyd y cloddiadau, y dadansoddiadau canlynol, a'r arddangosfa gan Lywodraeth Cymru. Nodweddion o Bwysigrwydd Rhyngwladol a chyfle
i weld darganfyddiadau hyd at 6,000 mlwydd oed Gallwch weld yr arddangosfa yn Oriel Môn , Llangefni, Ynys Môn (LL77 7TQ) o ddydd Mawrth, 18fed o Fai 2021.
Cliciwch yma i weld ein tudalennau gwe Parc Cybi.
|
||||
Cylchlythyr Cyfeillion Ymddiriedolaeth Archaeolegol Gwynedd 2019 - 2020
Cliciwch yma am fersiwn ddigidol o'n cylchlythyr diweddar Ymddiriedolaeth Archaeolegol Gwynedd 2019 - 2020. Am ragor o wybodaeth am Gyfeillion Ymddiriedolaeth Archaeolegol Gwynedd cliciwch yma.
|
||||
Darlith Cyhoeddus: Ffermwyr Cyntaf Cymru - y cyfnod Neolithig yn y gogledd-orllewin
Dyma recordiad o ddarlith ddiweddar Jane Kenney. |
||||
Modelau 3D Rhyngweithiol
Rydym wedi creu rhai modelau 3D rhyngweithiol o arteffactau ac adeiladweithiau amrywiol. CLICIWCH YMA
|
||||
|
||||
Darlithoedd Arlein – Gwynedd Rhufeinig (Is-deitlau Cymraeg)
Bydd Dave Hopewell - un o'n archaeolegwyr hŷn - yn cyflwyno
cyfres fer o ddarlithoedd anffurfiol ar waith diweddar yr Ymddiriedolaeth.
|
||||
| Archwilio
Gwybodaeth bellach am Archwilio a'r CAH: CLICIWCH
YMA |
||||
YSGOL UNDYDD - CLODDIAD YM MHARC CYBI, CAERGYBI Cymdeithas Hynafiaethwyr Môn ar y cyd gydag Ymddiriedolaeth Archaeolegol Gwynedd
Cliciwch yma i lawrlwytho'r poster
|
||||
Cloddiad cymunedol ar hen safle Ysgol Pendalar ger Segontium yng Nghaernarfon
Mae gwaith cloddio wedi cychwyn ar hen safle Ysgol Pendalar ger Segontium yng Nghaernarfon! Mae'r cloddiad a ariannir gan Cadw, yn gweithio gyda gwirfoddolwyr i ddatgelu fwy am hanes y Rhufeinwyr amgylch y caer sylweddol hyn. Mae Caer Rufeinig Segontium yn safle unigryw a diddorol. Sefydlwyd bron i ddwy fil o flynyddoedd yn nol, fel sylfaen milwrol er mwyn cadw rheolaeth dros y tir ac yr arfordir roeddynt wedi ei oresgyn. Mae safle cloddiad yr Ymddiriedolaeth yn agos i'r lon Rhufeinig yn arwain o giât y caer. Ymgymryd Mortimer Wheeler cloddiad cyfyngedig o'r safle hyn yn yr 1920au a nodwyd bod adeiladwyr y tai ar hyd Ffordd Constantine a Ffordd Faenol wedi darganfod archaeoleg Rufeinig. Cofnodwyd Wheeler lon, ffynhonnau, poptai ac olion o adeiladau pren a byddai'n nodweddiadol o vicus. Beth yw vicus yw math o anheddiad Rhufeinig a darganfyddwyr yn aml wrth ymyl lonydd yn arwain o gaerau Rhufeinig. Byddai hyn wedi bod yn stryd o adeiladau pren ble fyddai crefftau a masnachu wedi digwydd.
|
||||
Ymunwch â ni mewn cloddiad archaeolegol ym mryngaer Arfordirol eiconig Dinas Dinlle
Cliciwch yma i lawrlwytho'r poster. Os hoffech gymryd rhan yn y cloddiad, cysylltwch â outreach@heneb.co.uk 01248 366970 Mwy am brosiect CHERISH: http://bit.ly/2KQOkQe
|
||||
Barics Chwarel Pen y Bryn, Dyffryn Nantlle
|
||||
Dewch i Wirfoddoli gydag Ymddiriedolaeth Archaeolegol
Gwynedd
Lawrlwythwch y datganiad i'r wasg Os ydych yn awyddus i gymryd rhan, cysylltwch â outreach@heneb.co.uk 01248 366970
|
||||
Teithiau Cerdded Archaeolegol 2019-20
Lawrlwythwch y Rhaglen Teithiau Cyhoeddus Rhad ac am ddim, archebu'n hanfodol: cysylltwch â: outreach@heneb.co.uk 01248 366970
|
||||
|
